ملحوظة: التدوينة بالعامية المصرية
مسلسل “سابع جار”، خيانة للجيرة وتفتيت للقيم السوية للمجتمع، بيحرض بشكل صريح على الخيانة الزوجية والزنا.
بيظهر الطبقة الوسطى بشكل مسموم وعارٍ، الأفكار فيه بتحرك العاطفة لكنها غير قيمية وهدامة، وبتضرب مؤسسة الزواج في مقتل.
التنوع اللي فيه، تنوع تناقضي بيظهر خلل في كل ما هو صالح ونظيف حوالينا، ومش بيقدم أي حلول.
إحدى الشخصيات بنت قبيحة الشكل والمنظر، المخرجة حطاها عشان نتعاطف معاها، من دون أي مبرر.
وبتظهر إن اللي بيخونوا والحقيرين هم فقط المتدينين مع إن الخيانات الزوجية موجودة في الأوساط الأكثر انفتاحاً مش في الطبقة الوسطى المحافظة المحتفظة للآن بقدر كبير من العلم والثقافة، مستغربة ومستهجنة إن الخمورجية الشمامين يمثلونا والمفروض نسقفلهم.
رافضة لكل القيم الهابطة اللي بيبثها المسلسل، رافضة جداً لوجود مومس متمدنة داخل مسلسل عائلي، رافضة للمشاهد والألفاظ القذرة داخل المسلسل.
هدف الفن بث روح القيم وتجديدها، وإعلاء قيمة الأمان والسلام والخير، وحل الأزمات الاجتماعية مش ضمها وتحفيز المشاهد على الاقتناع بيها وتنفيذها.
الدراما والملحمية هدفها بث روح الشجاعة والمقاومة والفخر والتركيز على الجوانب النظيفة والقويمة..
ملحوظة:
التدوينات المنشورة في مدونات هاف بوست لا تعبر عن وجهة نظر فريق تحرير الموقع.